|
Gianni Argurio: cantante folk e poeta
Colapisci
Sintiti ccà, sintiti pi
favuri,
io sugnu Colapisci di lu mari,
sintitimi un mumentu v’è parrari
e dopu nfunnu, nfunnu haju a
turnari!
E’ veru, si! ca nghiornu m’ha mannatu
ddu re chi tutti hannu
numinatu;
Io ci haju statu sempri nfunnu o mari
picchì mù cumannau lu
Signuri!
E’ veru, si! c’a Sicilia sta
ppuggiata,
é supra a tri culonni i roccia dura,
tra scogghi e gallerii é
sistimata.
Di milli e cchiu millennu è a so’ natura.
Sintiti ccà, sintiti pi
favuri,
io sugnu Colapisci di lu mari,
sintiti missinisi du me’ cori...
Staju sempri nmenzu a vui! Vi vogghiu beni.
Io sugnu ccà e a mari, sempri
attentu;
ccussì nmenzu a currenti du canali.
Si a terra trema e balla pù
nmumentu...
Non vi scantati è cosa naturali!
Cchiù ssutta di li pisci e la scugghiera
c’è u focu, u focu i l’Etna a
ciumara!
Pi chistu la Sicilia è na gran
stidda,
e forti e ricca, ciaurusa e
bedda.
Sintiti ccà, sintiti pi
favuri,
io sugnu Colapisci di lu mari,
sintitimi un mumentu v’e parrari
e dopu nfunnu, nfunnu haju a
turnari.
|
