Matri, matruzza,
mammicedda duci,
tu mi facisti
cu l’amuri granni
e mi pascisti
e sèntiri â to’ vuci,
criscennumi cu l’ansia
ntra lu cori e affanni.
Matri, matruzza,
mammicedda amata,
curannumi ogni
istanti mi vulisti
e mi purtasti
e nzignari la strada,
chianceddu quannu
a scola mi lassasti.
Matri di tutt’i matri
nta stu munnu
li figghi toi ti
vonnu prigari
e diri "grazie" si
â sta vita vonnu
vidiriti cchiú
bedda
a lu nvicchiari.
Matri di tutt’i matri
addulurati
vui siti a forza,
u nostru sintimentu,
tutt’u caluri,
u suli, l’occhi, u ciatu,
l’amuri, a nostra vita
ogni mumentu.
Matri di tutt’i matri
di sta terra,
stiddi lucenti
e ciuri profumati!
Ogni campagna
é
china, ogni serra,
di vostri figghi
siti nnamurati.
Matri, matruzza,
mammicedda amuri,
comu tu mi strincisti
picciriddu ô pettu,
ccussí
cu mia
ti vogghiu tinìri
nté
vini, ntá
stu cori ...
e tantu affettu!
