|
|
|
Parodia di un processo
- Volete dire allor pacatamente la breve storia dell’incontro ardito laddove nacque quell’amore ardente tra l’imputato ed il cotal bandito?-
- Dunqui eccellenza, iò sugnu ccà picchìstu, la quale inveci putìssi scialacquàri: ‘ddu iòrnu mi truvava ‘nta ‘ddu postu assèmi a ‘na cumacca di cumpàri.
‘Ntrasàttu..- - Che vuol dire, cancelliere?-. - All’improvviso, credo, così pare-. - Ntrasàttu è comu quannu a ribba ô mari t’assùmma l’unna e non ti voi bagnàri.
Non sàcciu si vossìa ci ha fattu casu, ma l’acqua arrìva sempri ‘nto manciàri..- - Per vostra norma, detto per inciso, in mare vado solo a veleggiare-.
- E lei non sapi chiddu chi ssi peddi: ‘dda pasta ô funnu sutta all’umbrillùni, quannu ‘a sulàgna punci supra ê spaddi…-. - Non divagate..- - E’ veru, havi raggiùni.
‘Ntrasàttu vi dicìa, vaddànnu stottu, chi lu vardàri ammanca di rispettu, vitti ‘nu immu sutta a ‘nu cappottu c’a testa arrivutàta supra ô pettu.
‘I brazza apètti, ‘i manu spampanàti, ‘a bucca russa di ‘nu focu ardenti, e l’occhi apètti comu a dû fanàli: iò chistu vitti sìgno presidenti-.
- Questo racconto ha del paradossale! Descrive in tale guisa il mio cliente quasi che fosse un omosessuale: è una calunnia, signor presidente-.
- Non condivido la sua posizione verso chi fa del sesso liberale: pur tuttavia ammonisco il testimone e gli ricordo che siamo in tribunale-.
- Iò m’u ricòddu, sìgno presidenti, ma chiddi supra ‘a bucca si baciàru; e quannu si scucchiàru finalmenti ‘a lingua ancora non s’a spiticàru.
Si ‘dd’omu è sessuàli iò n’o sàcciu, ma ‘nta ‘ddu bàciu ci fu travasamèntu; non mi vardàti, chi non sugnu pàcciu, chiddu chi dicu è sutta giuramentu-.
- Ma quell’incontro a cui si riferisce, dove ci fu quel bacio galeotto, tenero segno che un amore nasce, fu casuale, o frutto di complotto?-.
- Mi dìssiru l’amìci chi nni sannu, chi fu tarìgghia iarmàta pi rispettu di genti ruffiàna, e precisannu chi sû cucìni giusti ‘i primu lettu-.
- Ma circa il bacio che avete ricordato: volete precisare esattamente l’ardore con il quale venne dato? Che parte ebbe quel tale delinquente?-.
- Chiddu parìa ‘n’assatanàtu! Appena ‘u immu si paràu davanti si fici ranni pi pigghiàri ciàtu e s’ammulàu a lingua cu li denti;
si fici russu comu a ‘n’aragosta e si muddàu c’a bucca spalancàta cu ‘ddu batàgghiu chi sunàva a festa..- -E poi?- - E poi ci fu ‘dda sorta di ‘ncucchiàta-.
- Scrivete, cancelliere, quanto appresso: quell’uomo rude, avvezzo alla violenza, si fece promotore dell’amplesso sfogando con ardore l’astinenza.
Ora spiegate bene e lentamente come quell’uomo l’arto suo boccale, che come dite usava allegramente, posò fremendo nel sito consensuale-.
- Ma quali consensuali, presidenti! Comu chiddu sbicciàu ‘dda cutulètta avissi fattu cussi cettamenti; e avìssi salutàtu ‘dda buffètta.
Ma cu ‘dda sorta ‘i fudda chi spincìa si vitti pessu e misi a tistiàri; e cu ‘ddi ricchi ‘i pàmpina parìa chi nenti nenti si mintìa a vulàri.
Ma ‘u cacciavèntu ommài l’avìa ‘nquatràtu e ‘ndirizzàva iutànnusi ch’i brazza; e quannu fu sicùru s’hâ muddàtu, c’a bucca apètta chi facìa scumàzza-.
Continuàte, non siate reticente: che storia! Che intreccio eccezionale! Parlate, penetrate nel frangente, chè mai amplesso fu più passionale!-.
- Non hàiu chi mi cci dicu, presidenti; sàcciu ch’a chiddu ci mancàu lu ciàtu quannu sintìu ‘dda cosa ammenzu ê denti: si vidi chi non c’era abbituàtu!….-.
- E poi?- - E di cuntàri poi non hàiu cchiù nenti: ci fu ‘dda cosa chi chiamàti amprèssu e ssi ‘mmugghiàru comu a dû seppènti. V’abbasta chistu pi fari ‘stu procèssu?
Presidenti, chi fa, si ddummintàu?-. - Mi sono figurato lì presente per meglio giudicare l’imputato: è il compito di ogni presidente!
E sembra ovvio a questa presidenza che l’imputato neghi quel frangente in quanto si trattò di un’esperienza in grado di sconvolgergli la mente.
La mia sentenza avverso l’imputato è d’assoluzione: è evidente che configuro essere reato il rifiutare un bacio così ardente.-
Ringrazio alfine questo bel pentito, e lo invito amorevolmente a fare pervenire a quel bandito i complimenti di questo presidente-.
Walter Ignazio Preitano
|
