Otia Imperalia
Seconda Decisio
XII

Delle isole del Mar Mediterraneo

Sicilia

La Sicilia è separata dall'Italia da un piccolo stretto, in cui si trovano Scilla, Cariddi e gorghi marini in cui le navi vengono inghiottite o fatte scontrare fra loro; questo luogo è chiamano Faro.
In questa località riferiscono che si era tuffato, sotto l'ordine del re di Sicilia Ruggero, un certo Nicola Papa, originario della Puglia, che era abituato a passare molto tempo nelle profondità marine.

Costui era conosciuto dalle creature marine e in qualche modo veniva protetto da loro come se fosse un familiare.

Diligente esploratore del mare, avvertiva i marinai a bordo delle navi che passavano dell'arrivo imminente di tempeste, e quando capitava di uscire nudo dal mare lo faceva solo per chiedere dell'olio ai passanti, affinché potesse guardare più facilmente i fondali marini ed esplorarli.

Diceva che a Faro c'era un abisso boscoso e che le onde si scontrassero fra loro, a causa della barriera opposta dagli alberi. Affermava, pure, che nel mare ci sono montagne e valli, foreste e pianure e alberi di ghiande, a riprova del fatto che spesso si trovavano delle ghiande in riva al mare.

Gervasius von Tilbury
1210-1214

Otia Imperalia
Secunda Decisio
XII
De insulis Mediterranei maris

Cyclades

Harum prima Rhodus ab Oriente....
Inter hanc et Cyprum sunt Syrtes, quae vulgo GulfusSataliae nominantur, ubi caput Gorgonis in mare projectum dicunt, respiciuntque Sataliam urbem, quae ad Soldanum Iconii dicitur pertinere. Tradunt autem Gorgonemmeretricem fuisse, quae sua pulchritudine homines mentis impotes reddebat. Ejus caput Perseus in mare projecit.Indigenae referunt, militem quendam reginam adamasse, cujus stupro cum frui non posset, ipsam mortuam et sepultam furtivo coitu cognovit, ex qua genuit caput tam monstrosum. In conceptione miles per vocem in aëre audivit:
"Quod pariet, suo intuitu omnia conspecta perdet et consumet".
Post novem mensium decursum miles aperto tumulo caput reperit, a cujus facie se semper avertit, et cum hostibus illud ostendebat, ipsos statim cum urbibus perdebat. Tandem in mari navigans, in gremio amasiae obdorrnivit, quae clanculo clavem scrinii, in quo repositum erat caput, subripuit,et cum stulta speculatrix caput respexerat, statim obiit. Experge­factus miles, re comperta doloreque tactus, caput erexit, et ab erecto vultu conspectus, cum nave periit. Hinc -tradunt, in capite septennii caput faciem ad superiora vertere, et hoc periculum in mari navigantibus generare.
 

Sicilia ab Italia modico freto distinguitur, in quo Scylla et Charybdis, marinae voragines, quibus navigia absorbentur aut colliduntur, quem locum Pharum nominant.
In hanc referunt ex coactione regis Siculi Rogerii descendisse Nicolaum Papam hominem de Apulia oriundum, cujus mansio fere continuo erat in profundo maris.

Hic a marinis beluis quasi notus ac familiaria vitabatur ad malum; maris sedulus explorator, currentibus in pelago navibus, nautis instantes tempestates praenuntiabat, et cum derepente a mari nudus prorumpebat, nihil praeter oleum a transeuntibus postulabat, ut ejus beneficio fundum abyssi maris speculatius intueri posset atque rimari.

Hic in Pharo nemorosam abyssum esse dicebat.
Ex arborum itaque oppositis obicibus fluctus collidi invicem proponebat, asserens, in mari montes esse et valles, sylvas et campos et arbores glandiferas, ad cujus rei fidem nos quoque glandes marinas in littore maris saepe prospeximus.


In Sicilia est mons Aetna...
Hunc autem montem vulgares Mongibel appellant. In hujus deserto narrant indigenae Arturum magnum nostris temporibus apparuisse.
Cum enim uno aliquo die custos palafredi episcopi Catanensis commissum sibi equum depulveraret, subito impetu lascivae pinguedinis equus exilicns ac in propriam se recipiens libertatem, fugit.
Ab insequente ministro per montis ardua praecipitiaque quaesitus nec inventus, timore pedissequo succrescente, circa montis opaca perquiritur.
Quid plura? arctissima semita sed plana est inventa; puer in spatiosissimam planitiem jucundam omnibusque deliciis plenam venit, ibique in palatio miro opere constructo reperit Arturum in strato regii apparatus recubantem.
Cumque ab advena et peregrino causam sui adventus percontaretur, agnita causa itineris, statim palafridum episcopi facit adduci, ipsumque praesuli reddendum ministro commendat, adjiciens, se illic antiquitus in bello, curo Modredo, nepote suo, et Childerico, duce Saxonum, pridenì commisso, vulneribus quotannis recrudescentibus, saucium diu mansisse.
Quinimo, ut ab indigenis accepi, exenia sua ad antistitem illum destinavit, quae a multis visa et a pluribus fabulosa novitate admirata fuerunt.
Sed et in sylvis Britanniae majoris aut minoris consimilia contigisse referuntur, narrantibus nemorum custodibus, quos forestarios, quasi indaginum ac vivariorum ferinorum aut regiorum nemorum custodes, vulgus nominat, se alternis diebus circa horam meridianam et in primo noctium conticinio, sub plenilunio luna lucente, saepissime videre militum copiam venantium et canum et cornuum strepitum, qui sci-scitantibus se de societate et familia Arturi esse affirmant.

Gervasius von Tilbury
1210-1214