Ignazio Buttitta

Colapesce
Leggenda Siciliana in due tempi

Gruppo folcloristico - Messina - 2012

Primo tempo

Scena Prima
La piazza di fronte allo Stretto di Messina affollata di pescatori; bancarelle di rivenditori, e nel centro la Madonna della Lettera. Entra, ballando e cantando, un gruppo folcloristico.

 

GRUPPO FOLCLORISTICO

Colapisci ci  nn'è  unu

unu sulu ntuttu u munnu

e nuàtri l'aduramu

comu fussi un Diu secunnu.

E ole e ole e la pecura fa mmè!

 

LA FOLLA

Viva Cola!

viva a Madonna da Littra!

 

Cola vidi tutta a terra

assittata supra u mari

e non voli ca ci fùssiru

genti stranii a cumannari.

E ole e ole e la pecura fa mmè.

 

Viva a Sicilia, viva!

(Applausi e battimani)

 

UN RIVENDITORE

Carameli, carameli,

pi li ziti e li muggheri!

 

Cola ama cu travagghia

cu li vrazza e cu la menti

e disprezza li patruna

li lagnusi e li putenti

E ole e ole e la pecura fa mmè!

(Applausi e battimani)

Campa a mari e vidi a terra

pupulata i cristiani

cristiani vattiati

ma di cori piscicani

E ole e ole e la pecura fa mmè!

(Applausi e battimani)

 

Gazzusa, gazzusa,

Jnchi a panza e nforza i pusa!

 

Cristu dissi e pridicau

tutti l'omini su frati

ma di tannu sinu ad ora

c'è a guerra e l'ammazzati

E ole e ole e a pecura fa mmè

(Applausi anche ài un prete confuso fra la folla)

 

E l'avermi supra i spaddi

i patruna - a Diu vulennu -

c'hannu nterra u paradisu

e murennu vannu o nfernu.

E ole e ole nasci un Papa e mori un Re.

(Applausi e battimani contrastati per il prete che fa gesti di protesta)

 

Nasci un Papa è la sunata

a  sunata è sempri a stissa

e c'è l'organu chi sona

e un parrinu dici a missa

E ole e ole nasci un Papa e mori un Re!

 

Ma stu munnu cu lu fici?

Si fu un mastru di misteri

non facìa un tavulinu

misu addittu cu tri peri.

E ole e ole nasci un Papa e mori un Re!

(Meno applausi di prima)

 

Ogni ghiornu un tirrimotu

peggiu i chiddu di Missina

cu li morti accatastati

comu u ligna nta cucina.

E ole e ole nasci un Papa e mori un Re!

(Applausi come prima)

 

Colapisci ancora chianci:

tannu era un picciriddu

ora è granni e tirrimotu

non ci nn'è si campa iddu

E ole e ole nasci un Papa e mori un Re!

 

Viva Cola viva Cola!

(Applausi lunghissimi. Escono)

 

 

 

CALA LA TELA 

 

© Edizioni P&M - Messina, 1986