Cola Pisci, picciottu sicilianu,
pi simani e misi era solitu stari,
senza fari sforzu supraumanu
na l'abbissu prufunnu di lu mari.

‘Ngnornu Federicu secunnu
c’imposi di iri a circari
‘ngiuellu prizziusu e tunnu
c’havia cascatu ‘nfunnu o mari.

Cola Pisci si tummò
no funnu di l’unni calau
o suvranu u giuiellu ripurtò
e supra u scogghiu filici acchianau.

Nautra tummata u Re urdinò
pri sapiri unni a Sicilia s’appujava
e quannu Cola du funnu riturnò
dissi - ca supra tri culunna stava,
ma una era tannicchia smanciata
pricchi u focu di l’Etna si l’avìa cunsumata.

Allora u Re urdinò di viriri stu focu,
Cola Pisci apprima dissi no
ma alla fine n’autra vota si tummò:
nuddu cchiù visti a Cola Pisci
a gente dici ca iddu è docu ‘nfunnu
a fari ancora da terza culunna.

Pippo Arena

www.colapisci.it