Manciati, robbiceddi mei!

Giannattasio

Giufà com'era menzu lucchignu nuddu cci facía 'na facci comu dicissimu di 'mmitallu o di dàricci quarchi cosa.

Giufà iju 'na vota nna 'na massaría, pi aviri quarchi cosa.
Li massarioti comu lu vìttiru accussì squasunatu, pocu mancò ca 'un cci abbiaru li cani di supra; e nni lu fìciru jiri cchiù tortu ca drittu.

Sò matri capíu la cosa, e cci pricurau 'na bella bunàca, un paru di càusi e un gileccu di villutu.

Giufà, vistutu di camperi iju a la stissa massaria; e ddocu vidìstivu li gran cirimonii!.., e lu 'mmitaru a tavula cu iddi.

'Sennu a tavula, tutti cci facìanu cirimonii.

Giufà pi 'un sapiri leggiri e scriviri comu cci vinia lu manciari, pi 'na manu si jinchia la panza, pì 'n'autra manu chiddu ch'avanzava si lu sarvava 'nta li sacchetti, nna la còppula, nna la bunàca; e ad ogni cosa chi si sarvava dicia:
- Manciati, robbiceddi mei, cà vuàtri fustivu 'mmtati!

Palermo
 trascritto da Giuseppe Pitrè
in Fiabe, novelle, racconti popolari siciliani

Giufà e l’invito a pranzo

Siccome Giufà era mezzo tonto, nessuno gli dava retta o gli faceva una gentilezza, come ad esempio di invitarlo, o di regalargli qualche cosa.
Una volta Giufà andò in una masseria per avere qualcosa da mangiare. I massari appena lo videro così malvestito poco mancò che non gli aizzassero addosso i cani per cacciarlo via e lo fecero scappare più storto che dritto.

Sua madre capì la faccenda e gli procurò una bella giacca, un paio di calzoni ed un gilet di velluto. Giufà, vestito da campiere, andò nella stessa masseria, ed allora vedeste le grandi cerimonie!...
E l’invitarono a tavola con loro.
Essendo a tavola, tutti l’ossequiavano.

Giufà, per non sapere leggere e scrivere, appena portavano il mangiare, prima si riempieva la pancia e poi quello che avanzava se lo serbava nelle tasche, nella coppola, nella giacca; e ad ogni buon cibo che conservava diceva:
- Mangiate, vestiti miei, perché voi foste gli invitati!