La ricetta in versi di Gianni Argurio

Ventri di Piscistoccu a ghiotta

Pigghiati 'i ventri e li puliziati
nta l'acqua tčpida o spisiddusa,
attenzioni e non li strazzati
puru nun mi risultunu purtusa...

Llargatili per beni raccumannu
e li mittiti 'i parti senza ngannu.
E lu ripienu annati a priparari
ca muddica, u furmaggiu, pipi e sali,
l'ogghiu d'aliva e l'agghiu a sminuzzari
cu putrisinu certu non fa mali.

Sti conzi prilibati certamenti
e pura mi mpastati prestamenti.

A unu, a unu li ventri junchėti
e delicatamenti a giriari
ttaccānnuli cu filu e li strincėti
e poi nta la patedda a rusulari.

Nto stissu ogghiu du' cipuddi beddi:
accia, chiāppiri, alivi e pumadoru
alleggiu ci calati 'i ventriceddi
e pė deci minuti a focu in coru.

Quannu sunnu tritrigni si vi pari...
scinnitíli chi vi fannu scialari.

Gianni Argurio

www.colapisci.it