La ricetta in versi di Gianni Argurio - ©

Maccaruni a ghiotta di piscispata

Priparari 'u ripienu pì bracioli
cu putrisinu, muddìca e furmaggiu,
l'ogghiu e agghiu e lu pipi a cù voli
e 'u sali, chi vi raccumannu ... adagiu.

Llargati 'i ffeddi di lu piscispada,
mittiticci 'u ripienu di muddica;
mmugghiata la braciola và nziccata
nto spidu e tutta bona e... binidica.

Nta n'autra cassalora suffrijti,
na gran bedda cipudda di Trupìa,
cù ghiàppiri e poi l'alivi salati
e tanta.jaccia nzemi si girìa .

Junciticci la salsa 'i pumadoru,
sali pì quantu basta e riminati,
poi 'n pocu d'ogghiu brunnu comu l'oru...
facennu còciri e ccà la ssaggiati

Dopu calaticci tutti 'i bracioli
ca focu lentu si vannu facennu
lu zzucu è prontu già comu si voli
cchiù cottu a piaciri và scinnennu .

E Fura 'i bùgghiri li maccaruni,
si vi piaci pasta margarita,
sculàtIli d'intra lu quaddaruni...
mmiscàtili cá ghiotta sapurita .

Purtati a tavula sta gran dilizia
cu 'ila grattata di furmaggiu grana
e si vuliti pá nostra amicizia ...
nnaffiaticci lu vinu 'i dammiciana.

Gianni Argurio

www.colapisci.it