La ricetta in versi di Gianni Argurio - ©

Pasta chi sardi

Pigghìatì 'ì sardi frischi e li frijti
dopu chi puliziastu, 'n vu scurdati
luvannuci 'a testa e li spini puliti,
nta la farina boni li passati.
Chista è la prima cosa chi só fari
e li mittiti 'i parti, hannu aspittari.

L'ogghiu d'aliva d'intra la patedda
pì quantu basta annatì a quaddiari
ccà rusulati la cipudda bedda...
e 'na picca 'i cunserva ci squagghiati.
Cunserva 'i pumadoru si capisci...
nzemi a lu finucchieddu si ricchisci.

Lu firuicchieddu prima và bugghiutti,
e l'ancìovi salatì spìzzìttati,
cu l'uva sultaniva và junciutu
lu zaffaranu e li pigna salati.
Puru 'u pipiruncinu si vuliti
non ci sta mali si vi cunvinciti.

Bugghìti ora 'a pasta pricciatinu
nta stissa acqua dì lu finucchieddu,
mi raccumannu, a lu denti "caninu"
nsapurítu nesci gustuseddu.
E quannu lu sculati già viditi
comu sciddìca mentri lu cunnìti.

Mittiti supra ô focu un padidduni
e li sardi cunzati ci calati
nzemi a lu pricciatinu 'u fucchittuni,
ca manu lesta tuttu rigirati.
Dopu qualchi minutu sull'istanti
scinnitili e sirvitili fumanti.

Gianni Argurio

www.colapisci.it