La ricetta in versi di Gianni Argurio - ©

Pasta cu niru da siccia

Nta 'na gran cassalora ci mittiti
l'ogghiu d'aliva quantu po' bastari,
du' spicchi d'agghiu o trì si lu vuliti,
girati bonu e né fati bruciari.

Pigghgiati 'a siccia pulita e lavata,
ci la calati, sì bedda tagghiata.

Girati e rigirati a focu lentu
e dopu ca tutt'a siccia è ndurata
 juncitici la salsa e 'u cunnimentu
è prontu e cuntrullati 'na ssaggiata.

Pipi o pipiruncinu assai o picca...
ci stannu e la siccia veni cchiú ricca.

Nto 'n pentuluni bugghìti 'i spaghetti
e stati attenti a la dosi dú sali...
è megghiu mi si teni a cu' ciú metti,
picchì ci spascia'u gustu e poi fa mali.

Scinnitili a lu denti e li ssaggiati...
e cu niru dá siccia li cunzati.

Gianni Argurio

www.colapisci.it